បច្ចេកទេសក្នុងការសាងសង់ និង សុវត្ថិភាពការងារ Part 5

១.២.៩.   ការងារធ្នឹមគ្រឹះនិងធ្នឹមកំរាល

ធ្នឹមគ្រឹះ​និងធ្នឹមកំរាលត្ញ្រូវធ្វើអំពីបេតុងអាម៉េហើយមានមុខកាត់ និង សរសៃដែក​ដូចមានក្នុង​គំ​​នូស​ប្លង់។ ស្រទាប់ ការពារ​ដែលត្រូវមាន​​កំ​រាស់ ​​​50-60cm ​ដែលនៅក្នុង​ដីប៉ុន្ដែនៅ​ផ្នែកលើ​ដី​ស្រ​ទាប់​ការពារមានកំរាស់ពី 40-50cm។ ដើម្បី អោយមុខដំណ​រវាងធ្នឹមនិង​កំរាល​មានភាព​រឹងមាំ​ការ​ចាក់​បេតុងរបស់ធ្នឹមនិងកំរាលត្រូវចាក់ក្នុងពេលដំណាល់គ្នា ។

១.២.១០.   ការងារសសរបេតុងអាម៉េ

សរសរត្រូវធ្វើពីបេតុងអាម៉េ។ ទំហំនិងសរសៃដែកធ្វើសរសរត្រូវតំឡើងអោយ​ដូចក្នុង​ប្លង់​លំ​អិតដែកធ្វើសសរ​ត្រូវតជ្រួសមុខគ្នាទៅនឹងសរសៃដែកចេញពីជើងតាងអោយមានប្រវែង 35-45​​​​ ដង​នៃមុខកាត់សរសៃដែក ហើយត្រូវទុក​អោយសល់សរសៃដែ​កពី​លើប្លង់សេ​ទៅទៀត​ប្រវែង​​ 36-40 ដងនៃមុខកាត់សរសៃដែកសសរសំរាប់តសសរទៅជាន់​លើៗ​ទៀត។ ក្រោយពេល​ចាក់​បេ​តុង​​​​​​សសររួចត្រូវទុកបង់បាញ់ទប់ពុម្ព និង ពុម្ពនៅកន្លែងដោយគ្មានការប៉ះពាល់អោយបាន​រយៈពេល​យ៉ា​ង​​​​តិចចំនួន 2ថ្ងៃ=48ម៉ោង។ សរសៃដែកទប់ជញ្ជាំងឥដ្ឋត្រូវមានទំហំ 8mm-10mm ហើយទុក​អោយ លៀន ចេញពីសរសរប្រវែង500mm។ ស្រទាប់ការងារបេតុងត្រូវមានកំរាស់ពី 40mm-50mm។

១.២.១១.   ការងារកំរាលខណ្ឌបេតុងអាម៉េ

កំរាលធ្វើពីបេតុងអាម៉េដែលមានកំរាស់150mm។ផ្ទៃកំរាលត្រូវធ្វើអោយមាននីវ៉ូរាបស្មើ​ហើ​យ​​រលោងគ្មានចំណុច ទាបខ្ពស់។សរសៃដែកកំរាលត្រូវធ្វើ​ឡើងទៅតាមគំរូប្លង់​លំអិតសរសៃ​ដែក​។ ដែកសរសៃកំរាលត្រូវចងភ្ជាប់គ្នាដោយលួស ចំណងដើម្បី​រក្សាទ្រង់ទ្រាយ​ ពេល​ចាក់បេតុងការត​តំ​ណ​រ​របស់ដែកកំរាលត្រូវតនៅអែបធ្នឹមពោលគឺ​ ចេញពីធ្នឹមប្រហែល​400mm ហើយជ្រួសមុខគ្នា​ប្រវែង48ដងនៃមុខកាត់ដែកកំរាល។ ​​ស្រទាប់ការពាររបស់បេតុងត្រូវមានកំរាស់​25mm។ ​ពេលចាក់​បេតុង​​​កំរាលរួចហើយក្ដារពុម្ព និង ជន្ទល់ត្រូវរក្សាទុករយៈពេលនៅពេល​យកដុំបេតុង​ទៅ​សង្កត់បានគ្រប់កំលាំង ដែលយើង​ចង់បានហើយទើបអាចដោះពុម្ពបាន​​ ។

រូបទី ១.២.១១ : សរសៃដែកធ្នឹម និងកំរាលខ័ណ្ឌ

១.២.១២.   ការងារធ្នឹមបេតុងអាម៉េ

ធ្នឹមរបស់អាគារនេះមានទំហំខុសៗគ្នាទៅតាមប្លង់លំអិតដែលបានកំណត់។ សរសៃ​ដែក​សំ​​រាប់ធ្វើធ្នឹមត្រូវតំឡើង អោយដូចប្លង់លំអិត។ ការតដែកត្រូវដាក់ជ្រួស​មុខគ្នាអោយ​បាន​ប្រវែង 48ដង នៃមុខកាត់សសៃដែកធ្នឹមហើយត្រូវតដែកគឺ​ដែកនៅផ្នែកខាងលើត្រូវតចំកណ្ដាលល្វែង​ និង ដែកខាង​ក្រោមអោយឃ្លាតពីក្បាលសរសរ10cm ហើយនឹងការពត់ដែក នៅខាងចុង​ធ្នឹម​ពត់​អោយ​មានរាងជារង្វង់ត្រឡោកដោយអោយមានប្រវែង 15ដង នៃមុខកាត់សរសៃដែកធ្នឹម ។ ស្រទាប់ ការពារ ត្រូវមានកំរាស់ 40mm ។

រូបទី ១.២.១២ : ការដាក់សរសៃដែកចូលពុម្ព

១.២.១៣.   ឡាំងតូលើទ្វារនិងបង្អូច (ទំហំ100mm x200mm)

ឡាំងតូទាំងនេះត្រូវធ្វើអំពីបេតុងអាម៉េដែលមានមុខកាត់​ 100mm x 200mm ចំពោះឡាំងតូ គឺប្រើដែកដែល​មា​ន​សង្កត់​ផ្ចិត 16mm ​។ ការតដែកត្រូវដាក់ជ្រួសមុខគ្នាអោយបានប្រវែង 500mm។ រីឯស្រទាប់ការពារបេតុងត្រូវមានកំរាស់ 30mm ។

១.៣.   វិធីសាស្ដ្រការតំលើងបេតុងអាម៉េ

១.៣.១.   ការងារក្តារពុម្ព

របៀបនៃការធ្វើ និងតំលើងពុម្ព

            បុគ្គលិកដែលមានភារៈកិច្ចធ្វើដែលទាក់ទងទៅនឹងការងារធ្វើក្តារពុម្ពនេះត្រូវមានការ​ស្តាប់​បង្គាប់​អ្នកគ្រប់គ្រងដែលទទួលបន្ទុកផ្នែកនេះ ។ ការងារធ្វើពុម្ពត្រូវអនុវត្តន៍ដូចតទៅ៖

-       អ្នកបច្ចេកទេសក្តារពុម្ពត្រូវគូសប្លង់លំអិតសំរាប់ពុម្ពនីមួយៗដើម្បីតំលើង

-       អ្នកដែលធ្វើត្រូវមើល និង យល់អំពីប្លង់នីមួយៗឲ្យបានច្បាស់លាស់មុនធ្វើការតំលើង​ ឬកាត់បន្ទះក្តារ ជៀសវៀងកាត់ច្រលំធ្វើឲ្យមានការខាតបង់ដោយ៖

-     ត្រូវសួររកប្លង់ដែលគូសចុងក្រោយគេបង្អស់

-     ត្រូវរកមើលកន្លែងខុសគ្នារវាងប្លង់ចាស់ និង ប្លង់ថ្មីបន្ទាប់មកសួរទៅអ្នកគ្រប់គ្រង​ ជៀ​ស​​​​​វាង​នូវការសំរេច ចិត្តដោយខ្លួនឯង ។

-     ត្រូវរិះរករបៀបធ្វើនិងតំឡើង

-       ភាពខុសគ្នារបស់ក្តារពុម្ពដែលធ្វើរួចរាល់ហើយមិនត្រូវមានកំរិតលំអៀងតូចជាង ឬ​ ធំ​ជាង ±1mm

-       ត្រូវត្រួតពិនិត្យដោយខ្លួនឯងនូវរាល់ក្តារពុម្ពនីមួយៗដែលកាត់រួចរាល់ហើយ

-       រាល់ក្តារពុម្ពដែលធ្វើរួចហើយត្រូវត្រួតពិនិត្យដោយអ្នកគ្រប់គ្រងផ្នែកពុម្ព

-       ត្រូវរៀបចំឲ្យមានអ្នកត្រួតពិនិត្យ និង មើលការងារពុម្ពដែលមិនមែនជា​អ្នកធ្វើក្តារពុម្ព​នោះ​ទេ

-       ត្រូវធ្វើសញ្ញាសំគាល់សំរាប់រាល់ក្តារពុម្ពណាដែលអ្នកត្រួតពិនិត្យយល់ព្រមថាត្រឹម​ត្រូវ​​​ហើយ

-       ត្រូវសំអាតមុខតំណររបស់បេតុងមុននឹងតំលើងពុម្ព

-       ក្តារពុម្ពត្រូវតំឡើងទៅតាមលំដាប់លំដោយ និង លេខរៀងដែលបានបង់ទុកជាស្រេច

ការងារពុម្ពមានសារៈសំខាន់ណាស់ក្នុងការផលិតនៅក្នុងការដ្ឋានដូចជា ពុម្ពសំរាប់ចាក់គ្រឹះ ពុម្ពសំរាប់សសរពុម្ព​​ ​កំរាលខ័ណ្ឌ និង ពុម្ពសំរាប់ធ្នឹមជាដើម ។​​  ការងារធ្វើក្តារពុម្ព​ជាការងារ​ដែល​ធ្វើ​ដោយយកចិត្តទុកដាក់ និងប្រុង​ប្រយ័ត្ន​ខ្ពស់​។​​​   សមាសធាតុដែលយកមកផលិត​ និង ប្រើ​ប្រាស់​មានដូចជា ៖

-​ ​​  ឈើបន្ទះ 10mmx200mm ឬ ក្តារកុងប្លាកេដែលជាប្រភេទឈើធន់មធ្យមងាយ​ស្រួលក្នុងការកាត់ ឬ ជ្រៀកទៅតាមទំហំការងារហើយម្យ៉ាងទៀតវាមានតំ​លៃ​ថោក​ ។

-       ក្តារកុងប្លាកេដែលធន់នឹងការជ្រាបទឹកអាចប្រើប្រាស់បានយូរសំរាប់ពុម្ពកំរាលខ័ណ្ឌ ដើម្បីចាប់បេតុង

-       ឈើទ្រវែង 40mmx80mm សំរាប់ធ្វើជារនាប ឬរនូត និង ដំនោលប្លង់សេដើម្បីទ្រ និង​ទប់​ក្តារ​ពុម្ព​ដែល​តំរូវឲ្យមានលក្ខណៈរឹងមាំហើយត្រង់ទៀត

-       ដែកជន្ទល់​​ ឬ ឈើជន្ទល់សំរាប់ទ្រទំងន់ត្រូវមានលក្ខណៈរឹងមាំ ដើម្បីទ្រប្លង់សេរហូត​ដល់​​ថ្ងៃ​​គ្រប់អាយុឲ្យ​​​​​ ដក​ចេញ។

ការងារក្តារពុម្ពទាមទារធ្វើឲ្យមានលក្ខណៈរឹងមាំហើយរហ័ស និង ម៉ឺងម៉ាត់ជៀសវាងមានការគ្រោះថ្នាក់ដែល​បណ្តាល​​ឲ្យមានការដួលរលំ ឬ បាក់ឈើទុល ឬ រនូតនៅពេលចាក់បេតុង។​ ហេតុនេះមុនពេលចាក់បេតុងគេទាមទា​រនូវការ​ត្រួតពិនិត្យនូវគុណភាពវាជាមុនសិន ។​ ក្ដារពុម្ព​ដែល​ធ្វើអំពីឈើ​ ឬ ដែកត្រូវតែអាច់ទប់ទល់​បេតុងហាប់ណែនទៅ​នឹងស្ថាន​ការ​ពេល​ចាក់​ពេលបង្ហាប់ពេ​ល​ចាប់កករឹង។ ​ក្ដារពុម្ពត្រូវធ្វើអំពីកុងប្លាកេត្រូវវាស់អាគារ​អោយមានភាព​រឹងមាំ ​ហើយ​​ត្រង់​រលោង​​ស្អាតដើម្បីអោយ បាន​​បេតុងស្មើល្អ។​​ ហើយក្ដារពុម្ពត្រូវជិតល្អិតដើម្បីកុំអោយហៀរទឹក​ស៊ីម៉ង់ត៍។

ចំពោះពុម្ពទាំងអស់យើងអាចតំឡើងបានគ្រប់ការងារទាំងអស់ដែលការងារសំណង់ត្រូវការដូចជា៖

- ពុម្ពជើងតាង

- ពុម្ពសសរ អាចធ្វើជាសសរជ្រុង ឬ សសរមូលតាមតំរូវការ

- ពុម្ពធ្នឹមលើ ធ្នឹមក្រោម

- ពុម្ពកំរាល... ។

Share: