បច្ចេកទេសក្នុងការសាងសង់ និង សុវត្ថិភាពការងារ Part 3

១.២.៣.   ការកែច្នៃដោយតម្រង់វាស់កាត់ពត់សសៃដែក

            សរសៃដែកដែលបានមកពីការកែច្នៃក្លាយជាសរសៃដែករបស់គ្រោងបង្គុំ​ បេតុងសរសៃ​ដែក​ត្រូវឆ្លងកាត់បណ្ដាល​រោងចក្រកែច្នៃដើម្បីតំរង់វាស់កាត់ និងពត់ទៅតាមការគណនា​ការតំរង់តែងត្រូវ​បានអនុវត្ដន៏មុន ព្រោះវាមានឥទ្ឋិពលដល់​បណ្ដាលការងារកែច្នៃជាបន្ដបន្ដាប់​ទៀត ដែកដែល​តំរង់​បាន​ល្អក្នុងគ្រឿង​បង្គុំទើបធ្វើការបានល្អជាពិសេសដែកកង  ។​ ​បន្ទាប់​មកទៀតគឺយើងចាប់​ផ្ដើមពត់​ដើម្បីតំរូវទៅតាមរូបរាងគ្រោងបង្គុំសំណង់។ សរសៃដែកក្នុងគ្រោងបង្គុំ​សំណង់​បេតុងសរសៃ​ដែក​តែងជួបប្រទះបណ្ដា​សណ្ឋានពត់ថ្ពក់ (180) ពត់បូកគោ (45) និង ពត់កែង (90) ។ ​តែអាច​ពត់​ថ្ពក់​បាន​តែ​ចំពោះ​ដែក

មូលរលោងហើយការពត់អាចដោយដៃ និង ម៉ាស៊ីន ។ បើយើងចង់ពត់បាន​របារ​សរសៃ​ដែក​ត្រូវមានឆ្អឹ​ង​ទប់ដើម្បី​របារ​

សរសៃដែកនៅស្ងៀម ឆ្អឹងថេរ​ធ្វើចំណុចដុំដើម្បីពត់របារ​សរ​សៃ​​​ដែក ​និង ឆ្អឹងចលត័ដើម្បី​ទាញ​សរសៃ​ដែកជុំវិញ​ឆ្អឹងថេរ។

 

 តារាងទី ១.២.៣ ​: ការពត់ដែក

១.២.៤.   តំណសរសៃដែក

            ចំពោះសរសៃដែកនៅក្នុងគ្រោងបង្គុំបេតុងសរសៃដែកយើងអាចធ្វើតាមវិធីពីរយ៉ាង គឺតំណ ចង រឺក៏ហៅថា ចំណងសើម និង តំណផ្សារ រឺ តំណស្ងួត តំណសរសៃដែកត្រូវបានធានាបញ្ជូន​កំ​លាំង​​ពីរបារមួយទៅរបារមួយទៀត ។ កំរិតរងកំលាំងរបស់គ្រោងបង្គុំត្រង់តំណសរសៃដែក​ត្រូវ​សម​មូល​ជាមួយនឹងកន្លែងដែលមិនមានសរសៃដែកត ។

១.២.៥.   តំណចង

            របារដែកពីរភ្ជាប់គ្នាដោយដាក់លើគ្នាប្រើសរសៃដែកទន់ 1mm ចងនៅបីចំណុចក្រោយ​មក​ចាក់បេតុងក្លាយ​ជា​ដែកតំណត្រូវបានថែទាំ និង រក្សាមិនរងនូវកំលាំងរំញរ័វាគ្រាន់តែរង​នៅកំលាំង​នៅពេលដែលបេតុងសំរេចបាន​កំរិតរឹងមាំ​តាមការគណនា។ ពេលដែលភ្ចាប់សរសៃដែក​ត្រូវ​យក​ចិត្ដទុកដាក់ចំពោះប្រវែងតំណ (កំណាត់សសៃដែកជាន់គ្នា) ត្រូវធានា​​

 ប្រវែងអប្បបរមាជាក់ស្ដែងគឺ ៖

            - ប្រវែងកំណាត់គងគ្នារបស់ដែករងកំលាំងក្នុងបណ្ដាលគ្រោង និង សំណាញ់សរសៃដែក មិន​ត្រូវអោយតូចជាង ​២៥០មម ​ចំពោះដែករងនូវកំលាំងទាញនឹងមិនត្រូវអោយតូចជាង ២០០មម ចំពោះសរសៃដែកបន្ទុកសង្កត់ ។

            - ពេលភ្ចាប់សរសៃដែកនៅតំបន់រងបន្ទុកទំនាញ ត្រូវពត់ថ្ពក់ចំពោះដែករលោង ដែកថ្នាំង មិនបាច់ពត់ថ្ពក់ក៏បានដែរ​ ប្រវែងតំណត្រូវបានកំណត់ដូចខាងក្រោម៖

តារាងទី ១.២.៥​ : ប្រវែងតំណចងសរសៃដែក

ប្រភេទសរសៃដែក	ប្រវែងតំណ
	តំបន់រងបន្ទុកទំនាញ		តំបន់រងបន្ទុកសង្កត់
	ធ្នឹមជញ្ជាំង	គ្រឿងបង្គុំផ្សេងៗ	មានទំពក់	អត់ទំពក់
សរសៃដែកមូលរលោង	40d	30d	20d	30d
សសៃដែកក្ដៅថ្នាំង	40d	30d	20d	20d
សសៃដែកទាញត្រជាក់	45d	35d	20d	30d

-នៅលើមុខកាត់ទទឹងនីមួយៗចំនួន​ចំនងមិនលើសពី 25% ចំពោះសរសៃដែករលោង និង 50% ចំពោះ សរសៃដែកថ្នាំង ។

- ​តំណចងងាយអនុវត្ដន៏​ប៉ុន្ដែត្រូវរងចាំរយៈពេលសំរេចកំរិតរឹងមាំរបស់បេតុង​ ដូច្នេះ​ប្រើ​​ប្រា​ស់​​តិច​ពិសេសចំពោះ គ្រោងបង្គុំឈរប្រើច្រើនចំពោះគ្រោងបង្គុំដេក​ដូចជា ធ្នឹម កំរាល​ខណ្ឌ​គ្រឹះ។

Share: